Mbrëmja e sotme ishe e gjitha për t’u harruar për Juventusin. Dënimi me zbritjen e 10 pikëve në renditje duket se ka çoroditur tërësisht bardhezinjtë, të cilët sot kanë marrë një rezultat turpërues në transfertë. Empoli i ka mposhtur me shifrat 4-1 dhe ia bën thuajse të pamundur kualifikimin në Champions League për sezonin e ardhshëm.
Kaputo ka shënuar dy herë për toskanët(18’ me penallti, 47’), ndërsa dy golat e tjerë për Empolin mbajnë autorësinë e Lupertos (21’) dhe Pikolit (90’+3’). Ndërkaq goli i nderit për Juventusin është shënuar nga Kieza në minutën e 85. Me këtë rezultat bardhezinjtë mbeten në vendin e shtatë, me 59 pikë të grumbulluara, 5 më pak se Milani i vendit të katërt./Halit Delibashi-Sport Ekspres/
GOAL | Empoli 4-1 Juventus | Piccolipic.twitter.com/zuNDafpUKr
— VAR Tático (@vartatico) May 22, 2023