Astrit Selmani u përfol së tepërmi në Suedi pas sezonit fantastik që po zhvillonte me Varbergs, duke shënuar 15 gola. Kjo solli ftesën nga ana e Hamarby, në ekipin që një pjesë të aksioneve i zotëron sulmuesi i Milanit, Ibrahimoviç.
Në këtë skuadër Selmani do të ketë mundësinë për t’u rritur më tepër dhe njëkohësisht për të kërkuar daljen në elitën e futbollit europian. Nisja është e mbarë pasi Selmani ka shënuar dhe ka dhënë asist në barazimin e fundit me rezultatin 3-3 ndaj Akropolis.
Futbollisti shqiptar u aktivizua vetëm 45 minuta, por mjaftueshëm për të kuptuar aftësitë e tij. Sa i përket zgjedhjes së Kombëtares vetë lojtari është shprehur se është mes Suedisë, Shqipërisë dhe Kosovës. /Sport Ekspres/
???? SELMANI GOAL
Astrit Selmani scores in his debut for Hammarby. One of many hopefully ? pic.twitter.com/pxAixC5YPR
— Kosovans Abroad (@KosovansAbroad) February 3, 2021