Champions League ka ngritur sot siparin e sezonit 2023/24. Debutimi në këtë kompeticion nuk është shoqëruar me buzëqeshje në fytyrën e Arbnor Mujës. Lojtari i Kombëtares shqiptare ka mësuar sot forcën e vërtetë të Barcelonës. Katalanasit dominuan tërësisht ndeshjen ndaj Antwerp-it, të cilin e mposhtën me shifrat e thella 5-0.
Ndërkohë në krahun tjetër, Manchester City nuk ka lënë vend për surpriza, pavarësisht se Crvena Zvezda kaloi e para në avantazh në minutën e 45. “Qytetarët” i dhanë leksione skuadrës serbe, duke e përmbysur ndeshjen në 3-1 me anë të dy golave të Alvarezit dhe golit të Rodrit. Ekipi i Guardiolës e ktheu në tabelë qitjeje Crvena Zvezdën, teksa në tërësi numëron 37 tentativa për gol, ndër të cilat 16 kanë qenë në kuadratin e portës./Halit Delibashi-Sport Ekspres/
Rezultatet e ndeshjeve në Champions League
Milan – Newcastle 0-0
Young Boys – Leipzig 1-3
Barcelona – Antwerp 5-0
Feyenoord – Celtic 2-0
Lazio – Atletico Madrid 1-1
Manchester City – Crvena Zvezda 3-1
PSG – Borussia Dortmund 2-0
Shakhtar Donetsk -Porto 1-3
RODRI WHAT A GOALLLLL HE IS ACTUALLY ONE OF THE BEST DMS EVERRRRRRpic.twitter.com/upRrt4LIKF
— 17 (@DxBruyneSZN) September 19, 2023