Southampton ka humbur në shifrat 4-0 ndaj Aston Vilës. Qartësisht ekipi i Hasenhutl ndieu mungesën e mbrojtësit të saj të pakalueshëm, Salisu. Kundërshtarët e kishin terrenin e hapur në qendër të mbrojtjes dhe mund të shënonin gola të tjerë.
Sa i përket Armando Brojës, ka luajtur për 90 minuta. Sulmuesi shqiptar e rriti ndjeshëm nivelin në pjesën e dytë dhe është vlerësuar me notën 6.7 sipas Soccerëay, ndërsa më mirë bëri vetëm Livramento dhe Armstrong me 6.8.
Jo vetëm driblime, por edhe punë në mbrojtje. Broja e ndihmoi në të paktën dy raste të rrezikshme Southampton në sulmet e kundërshtarëve. Pikërisht në një moment të tillë, pasi arriti të fitonte duelin në mbrojtjen e Southampton me Ashley Young, ky i fundit vendosi dorën në fytyrën e Brojës.
Pas faullit të fituar, sulmuesi i Kombëtares tregoi origjinën duke e kthyer në personale me lojtarin e Aston Vilës, teksa po i kërkonte ende shpjegime. Për të mbyllur konfliktin ndërhyri edhe kapiteni i ekipit të Gerrard, Mings, por mori një shtyrje nga Broja që si rrallëherë ishte i nervozuar. /Sport Ekspres/