Armando Broja ka zhvilluar një tjetër performancë të nivelit të lartë në Premier League. Këtë herë kundër Manchester United duke treguar edhe njëherë tjetër se sulmuesi shqiptar është i pandalshëm. Driblime që dalin me sukses ndaj mbrojtësave më të njohur të Europës. Në disa mundësi Broja ka qenë afër golit, ndërsa në fund kishte mundësinë e artë. Sulmuesi dërgoi në djall Maguire me driblimin duke hyrë në zonë.
Më pas ka humbur kohë nga ardhja e lojtarëve të tjerë. Gjatë atij aksioni Maguire shkel qartë dhe pastër Brojën në këmbë, por për arbitrin dhe VAR nuk ka asgjë për të akorduar 11-metërsh pasi nuk ndikoi në heqjen e golit. Fundja, jemi në Angli, lejohet çdo goditje e ndaluar, edhe ato në zonë. /Sport Ekspres/