Apolonia ka befasuar Tiranën në miqësoren e sotme, duke e mposhtur me shifrat 0-2 në “Selman Stërmasi” në testin para fillimit të Superiores. Fierakët shfaqën një nivel të lartë në fushën e lojës dhe premtojnë se do të jenë një surprizë e bukur në sezonin e ardhshëm të kampionatit shqiptar.
Goli i parë ishte një aksion model për t’u vendosur në kornizë, që protagonist kishte Sotën. Lojtarët e Apolonisë kanë treguar klas në zonë duke pasuar me finte për të ndezur aksionin, që më pas do të finalizohej me gol nga Sota. Ndërkohë kur kishin mbetur edhe 10 minuta nga përfundimi i kohës së rregullt, ishte Omeri që falë një kundërsulmi të shpejtë ndëshkon për të dytën herë bardheblutë./Halit Delibashi-Sport Ekspres/