Redon Xhixha është duke përjetuar kohën më të mirë te Qarabag. Që pas transferimit nga Tirana, Xhixha ka momentin e tij ideal te gjigandët e Azerbajxhanit. Në fillim ka hasur jo pak vështirësi me përshtatjen. Por në katër ndeshjet e fundit, ish-lojtari i bardhebluve ka shënuar pesë gola.
Më të rëndësishmet ishin dy realizimet e djeshme kundër kampionëve të Polonisë, Rakow. Xhixha realizoi dopietë në humbjen 3-2 të Qarabag, duke lënë gjithçka të hapur për ndeshjen e kthimit. Nga krahu tjetër lojtarët e Qarabag shkuan “për t’i pastruar këpucët” në festimin e golit Xhixhës, duke e bërë gati për të tjerë realizime më vonë. /Sport Ekspres/