“Vetëm kur 11 shqiptarë u ndien si Pele dhe Maradona”, media në Bjellorusi sulmon trajnerin: Të bëjë çorape për nipërit dhe mbesat

0

Shqipëria arriti që të bënte detyrën ndaj Bjellorusisë për të fituar në shifrat 3-2 dhe për të shkuar në Ligën B. Miqtë vinin me dy rezultate të mundshme në vendin tonë, që do t’i jepte vendin e parë. Por një tjetër humbje do të gjenin ashtu si edhe në takimin e parë, atje ku kuqezinjtë ia dolën në shifrat 0-2.

E kur vjen puna për autokritikë, ajo e ardhur nga ana e medias bjelloruse “Sputnik.by” është gjithmonë me shumë shije. Ashtu siç ndodhi edhe në përballjen e parë, kritikat janë tërësisht personale nga ana e medias për trajnerin e Kombëtares së Bjellorusisë, Markhel. Theksi vendoset te fjalët e thëna nga ana e teknikut që janë totalisht jashtë realitetit.

“Le të marrim pak fjalët e thëna nga trajneri ynë në Tiranë: “Sigurisht që është e vështirë të flasësh pas një disfate të tillë. Unë mendoj se ishte e pamerituar. Djemtë luftuan dhe nderuan fanellën. Ne nuk arritëm që ta përfundonim detyrën, por jeta vazhdon”.

Por çfarë do të thotë “e vështirë të flasësh pas një disfate të tillë”?! Dhe pas cilës është e lehtë? Dhe nëse trajneri e konsideron fiaskon si të pa merituar, atëherë bazuar në cilat konsiderata, në cilat argumente? Vetëm sepse “djemtë luftuan”? Pra ata mund edhe mos të luftonin!

Megjithëse, në parim, për çfarë lloj humori po flasim nëse bjellorusët dështuan që në fillim të betejës? Dhe vetëm pasi shqiptarët filluan të ndiheshin si njëmbëdhjetë Pele ose Maradona, duke përhapur gishtat e tyre jo vetëm të duarve, por edhe të këmbëve, ata ishin në gjendje t’i ulnin nga qielli në tokë. Edhe atëherë jo deri në fund. Me këto argumente të trajnerit është më mirë që të ulet në një karrige lëkundëse dhe të mësojë që të thurr ndonjë çorape për nipërit dhe mbesat”, shkruhet në artikull. /Sport Ekspres/

You might also like

Leave A Reply

Your email address will not be published.