Kevin Shkurti është një tjetër element për t’u mbajtur në vëmendje te Shqipëria. Mesfushori 17-vjeçar është pjesë e kuqëzinjëve tanë sa i përket grupmoshës U-19. Pas grumbullimit me Kombëtaren, Shkurti ka firmosur një kontratë shumë të rëndësishme.
Leuven ka shpërndarë në faqen e saj zyrtare se Shkurti ka firmosur kontratën e parë profesionale me skuadrën që ndodhet në elitën e Belgjikës. Më herët ai ka qenë pjesë e grupmoshave te Leuven, ndërsa tani ka ardhur momenti për të dhënë kontributin e tij në nivelet më të larta. /Sport Ekspres/