Drejt Granit Xhakës kanë shkuar kërcënime dhe ofendime nga kritikët si dhe mediat për faktin që nuk pranoi të bënte vaksinën. Mesfushori i Arsenalit u infektua me Covid-19 dhe mungoi në dy ndeshjet e Zvicrës, Italisë dhe Irlandës së Veriut. Megjithatë, presidenti i federatës së Zvicrës i ka dalë plotësisht në mbrojtje Granit Xhakës, duke u shprehur se e respekton zgjedhjen e tij.
“Kapiteni ynë ka vendosur të mos vaksionohet për Covid. Ne e respektojmë këtë vendim plotësisht. Si Federatë ne rekomandojmë vaksinimin, por është e drejtë e secilit të vendosë nëse dëshiron të vaksinohet apo jo”, ka thënë Blanc përmes një video-mesazhi. /Elio Hajdari-Sport Ekspres/