Genc Nuza ka marrë besimin e UEFA-s për të arbitruar në ndeshjet kualifikuese të Kampionatit Europian. Arbitri shqiptar do të ndajë për herë të parë drejtësinë në një ndeshje zyrtare të dy Kombëtareve. Kështu, Nuza do të jetë personi që do t’i vërshëllejë bilbilit në sfidën mes Finlandës dhe San Marinos.
Fatlum Berisha dhe Bujar Selimaj do të jenë asistentët e tij në këtë takim, ndërsa Visar Kastrati do të jetë në rolin e arbitrit të katërt. Ndeshja mes Finlandës dhe San Marinos do të zhvillohet në datën 19 qershor./Halit Delibashi-Sport Ekspres/