Barazimi në “Air Albania” ka shijuar si një fitore për Islandën dhe këtë e pohon vetë trajneri i tyre në një intervistë për “Viaplay” pas ndeshjes. Vidarson është i kënaqur me ekipin e tij, që arriti të dilte me pikë nga Shqipëria, pavarësisht se luajti me 10 lojtarë që nga minuta e 10 e takimit. Trajneri i ishullorëve vlerëson shpirtin lu.ftarak të skuadrës së tij, që besoi deri në fund dhe nuk u dorëzua.
“Sigurisht që ngjan si e tillë (si fitore). Sidomos sepse skuadra lu.ftoi gjatë gjithë kohës dhe gjithmonë nuk dorëzohej. Vazhdoi të besonte në mundësinë që ekzistonte. Ne e dinim se do të kishim një shans nëse do të vazhdonim të punonim shumë. Kishim edhe këmbë të freskëta në stol, gjë që e shfrytëzuam.
Kartoni i kuq? Ajo që ndodh është që Aron hidhet i pari dhe për këtë arsye shqiptari i del përpara. Arbitri nuk donte t’i jepte këtë karton të kuq, por kështu është. Ne ishin gati me planin b dhe djemtë e realizuan në mënyrë perfekte. Sapo u ngatërruan me ne.
Ajo që mendoj se është më e rëndësishmja në këtë është se në netë si kjo ju merrni konfirmimin se skuadra është bërë një ekip. Gjëja pozitive është se njerëzit janë të uritur dhe të gjithë duan të luajnë për ekipin kombëtar islandez dhe të punojnë. Shpresoj se ne mund të zgjedhim ekipin tonë më të fortë dhe pastaj të kemi një shans mjaft të mirë”, ka deklaruar Arnar Vidarson./Halit Delibashi-Sport Ekspres/