Një ditë e veçantë kjo e sotmja për Edoardo Rejan. Trajneri feston sot datëlindjen e tij, ku mbush plot 75 vjeç. Megjithatë ashtu si edhe një vit më parë, dita e shënuar për të vjen në prag të ndeshjes me Kombëtaren. Vjet ishte transferta vendimtare me Turqinë në Kualifikueset e Europianit, ndërsa këtë herë i pret Kazakistani në Ligën e Kombeve.
Festa e vërtetë duhet të bëhet nesër, kur Reja kërkon si dhuratë për ditëlindjen e tij një fitore nga kuqezinjtë. 3 pikët në Kazakistan, aq më tepër pas kësaj periudhe të vështirë që e kanë shoqëruar Kombëtaren pas humbjes me Lituaninë, janë mënyra e duhur për t’a sjellë ekipin sërish në shinat e duhura./Halit Delibashi-Sport Ekspres/