Sulmuesi i Napolit, Victor Osimhen po kalon një formë fantastike nën drejtimin e Spalletit dhe mos thirrja e tij nga Nigeria për Kupën e Afrikës bëri bujë të madhe në opinionin e gjerë. Megjithatë, në një prononcim për mediat, trajneri i Nigerisë, Augustin Eguaoven bëri të qartë se ishte vetë dëshira e lojtarit të mos grumbullohej, për të shmangur dëmtimet.
“Ai më tha se duhet ta kuptoja që nuk ndihej mirë dhe nuk do të merte.pjesë në Kupën e Afrikës, pasi nuk mund të jepte 100%. Praktikisht, ai mu lut që mos ta thërrisja dhe unë e kuptoj. Kur u takuam ishte mjaft i dëshpëruar, i dhashë disa orë për tu kthjelluar, poe vendimi i tij nuk ndryshoi. Osimhen është treguar i kujdesshëm me dëmtimet dhe ne menduam që ta linim të qetë”- u shpreh trajneri i Nigerisë. /Elio Hajdari- Sport