Barcelona mposhti lehtësisht Stutgartin me rezultatin 0-3. Në këtë ndeshje u dallua lojtari më i ri Memphis Depay, i cili shënoi në rastin e parë të rrezikshëm. Në përfundim të ndeshjes, trajneri i katalanasve, Koeman u shpreh mjaft i lumtur për Depay dhe kombinimin e tij shumë të mirë me Griezmann.
“Njerëzit e njohin Memphis Depay që nga Manchester United dhe Lyon. Ai e ka provuar që është një golashënues. Sot shënoi në rastin e parë të rrezikshëm, me një aksion individual. Depay i jep diçka ndryshe skuadrës. Kombinimi i tij me Griëzmann është shumë i mirë dhe i rrit cilësinë skuadrës. Do të ketë konkurrencë të madhe në skuadër, së bashku me Agueron dhe Messin, të cilin shpresojmë ta kemi përsëri në skuadër”- u shpreh Koeman. /Elio Hajdari-Sport Ekspres/