Klubi i Volfsburgut mori sot një lajm të keq nga Federata Gjermane e Futbollit. Skuadra në fjalë është eliminuar që në raundin e parë nga Kupa e Gjermanisë, pavarësisht se takimin kundër Projsen Mynster e fitoi në fushë me shifrat 3-1. Megjithatë ishte një çudi e trajnerit Van Bomel ajo që solli të papriturën për Volfsburgun.
Tekniku holandez harroi për një moment rregullat e lojës dhe kreu 6 zëvendësime gjatë takimit. Kaq ka mjaftuar që skuadra e Bundesligës t’i thojë lamtumirë Kupës. Projsen Mynster, e cila luan në ligat inferiore të Gjermanisë, mori fitoren 2-0 në tavolinë dhe do të vazhdojë në raundin tjetër./Halit Delibashi-Sport Ekspres/