Tomas Tuhel ka kritikuar ashpër arbitrin e ndeshjes Bajern Mynih-Mançester Siti, pas eliminimit nga Liga e Kampionëve. Trajneri gjerman ka thënë për mikrofonin e “DAZN“-it se nëse lojtarët e tij do të kishin paraqitjen e arbitrit Turpin, atëherë nuk do të kishin dalë në fushë për të luajtur pjesën e dytë.
“Nëse lojtarët e mi do të kishin pasur paraqitjen e arbitrit, ata nuk do të dilnin në pjesën e dytë. Dy gjëra nuk kanë qenë në nivel: fusha e lojës dhe arbitri. Performanca e tij ishte 6 nga minuta e parë”, ka thënë Tomas Tuheli./Halit Delibashi-Sport Ekspres/