Guardiola ka siguruar kualifikimin për të tretin sezon radhazi në gjysmëfinalet e Ligës së Kampionëve. Mançester Siti do të përballet sërish kundër Realit të Madridit, që nga ana tjetër regjistron 11 pjesëmarrje në gjysmëfinale në 13 vitet e fundit. Guardiola ka dhënë një deklaratë në konferencën për shtyp pas ndeshjes kundër Bajernit se ekziston një ndjesi se nëse dëshiron të fitosh Ligën e Kampionëve, atëherë duhet të quhesh Real Madrid.
“Dje lexova se Real Madridi ka luajtur 11 gjysmëfinale në 13 vitet e fundit. Ne kemi tre radhazi dhe mendojmë se është e pabesueshme. Të gjitha skuadrat në botë kanë ndjenjën se nëse doni të fitoni Ligën e Kampionëve duhet ta quani veten Real Madrid. Më parë ishte Barcelona, ??tani është Real Madrid. Nuk është të fitosh, por të provosh. Nëse provoni shumë herë, ndoshta do të arrini ta fitoni”, ka deklaruar Josep Guardiola./Halit Delibashi-Sport Ekspres/