Tirana është gjithmonë e më afër titullit kampion. Bardheblutë arritën të fitonin kundër Vllaznisë në transfertë, për të afruar gjithmonë e më tepër suksesin e fundit të sezonit. I ftuar në “Procesi Sportiv”, në këtë linjë mendimi ishte edhe Redi Jupi. “Unë mendoj se Tirana i ka bërë një hipotekim të vogël titullit. Pritej që Vllaznia të merrte diçka ndaj Tiranës, por Tirana arriti të fitonte prapë. Tregoi karakter dhe personalitet në fushë.
Tiranës i duheshin me patjetër pikët dhe prapë arriti të fitojë. Kjo ishte ndeshja e dytë më e fortë për ta nga të mbeturat, duke marrë parasysh edhe derbin. Vllaznia kërkonte pikët me patjetër, nuk do të lëshonte asgjë. Në fund Tirana mori fitore të merituar dhe një pjesë e madhe e titullit shkoi në anën e tyre”, tha Jupi. /Sport Ekspres/