Tirana është bërë gati për udhëtimin drejt Gjeorgjisë teksa do të përballet me Dinamo Tbilisin. Bardheblutë do të kërkojnë që të japin gjithçka për të vazhduar ëndrrën e madhe në “Champions League”, atje ku në turin e dytë i pret Crevena Zvezda.
Por si do të jetë fytyra e Tiranës në Europë? Egbo nuk kërkon që të rrezikojë shumë me debutimin nga minuta e parë e afrimeve të reja ndaj Tbilisit. Ky do të ishte një “bast i rrezikshëm” për teknikun e bardhebluve, pasi kërkohen lojtarët që njihen me njëri-tjetrin dhe ndeshja e vetme në Europë nuk mund të shërbejë kurrsesi si provë.
Për këtë arsye, Ardit Toli pritet të jetë vetëm si debutimi nga minuta e parë ndaj kundërshtarit gjeorgjian. Mbeten për t’u parë edhe dy afrimet që erdhën nga Vardari Toshevski dhe Nadjovski, pasi kanë treguar një gjendje optimale. Sa i përket majës së sulmit ka pak dyshime. Frika e Dinamo Tbilisit dhe mënyra sesi e prezantoi Tiranën, duke e quajtur Ernest Muçin si një talent të mrekullueshëm, do të jetë nga minuta e parë. Sulmuesi i ri i bardhebluve do të ketë shansin e artë pas mungesës së Ngosë dhe Avdijaj duhet ta ndjekë nga stoli. /Elio Hajdari-Sport Ekspres/