Kosova do të përballet nesër në orën 20:45 me fqinjin tonë, Greqinë. Kjo do të jetë një sfidë mjaft e zjarrtë duke marë parasysh mospëlqimet që tifozeria shqiptare dhe ajo greke kanë me njërs tjetrën. Tifogrupi i Kosovës, “Dardanët”, nuk ka nguruar të thumbojë kundërshtarin me anë të një baneri.
Në këtë baner shkruhej: “Troja kësaj here nuk do të mposhtet”, ku bëhet fjalë për luftën 10-vjeçare midis ushtrisë greke dhe asaj trojane, teksa vetëm me anë të një dredhie helenët arritën të pushtonin qytetin(Kali i Trojës). Por sipas tifozëve dardanë, kësaj here nuk do të ketë asnjë dredhi, sepse Kosova do ta fitojë ndeshjen./Elio Hajdari-Sport Ekspres/