Napoli është shpallur zyrtarisht kampion i Serisë A për sezonin 2022/23. Të kaltërve u mjaftoi një barazim 1-1 në Udine për të fituar titullin e tretë në historinë e tyre. Menjëherë pas përfundimit të ndeshjes, tifozët napoletanë lanë shkallët e stadiumit për të hyrë në fushë.
Tifozët nisën të kërkonin foto me lojtarët si dhe uniformat e këtyre të fundit. Zielinski është “zhveshur” nga mbështetësit e Napolit, duke përfunduar me mbathje në festën e titullit kampion. Pasi i kanë marrë tutat e sportit që kishte veshur, tifozët i kanë kërkuar polakut edhe fanellën./Halit Delibashi-Sport Ekspres/