Një ngjarje tronditëse ka ndodhur në San Cipriano d’Aversa, një provincë e Caserta, ku një 48-vjeçar shkon në një fushë futbolli dhe godet me armë zjarri një burrë 38-vjeçar. Arsyeja ka qenë një bisedë në “Whatsapp”, ku autori i krimit është ofenduar nga viktima për aftësitë e tij të dobta në futboll me mesazhin që kishte mbërritur: “Ti nuk di të luash”.
Kështu, ai ka marrë armën dhe është drejtuar në fushën sportive ku personi që bëri ofendimin ishte duke luajtur dhe ka qëlluar. Nga goditja ka mbetur i plagosur në gjendje të rëndë edhe një burrë tjeter, i cili ndërhyri për të qetësuar situatën. Karabinierët kanë marrë në pranga agresorin, i cili nuk ishte një emër i panjohur për ta pasi kishte edhe precedent të mëparshëm./Sport Ekspres/