Nga Klaudio Ndreca
Roli i tij është ai portierit, për të pritur dhe duke kalitur durimin që të jetë i gatshëm për ato momente të pakëta protagonizmi që do të ketë në fushën e lojës. Por Thomas Strakosha e di më së miri se shanset duhet të kapen menjëherë dhe të mos ikin nga duart.
Kështu i’a doli ndaj Marketit, titullarit që te Lacio po dukej i përjetshëm, ku në periudhën teksa portieri italian ishte i dëmtuar, Strakosha arriti që t’i merrte vendin. Tashmë portieri shqiptar mund të quhet tërësisht i plotësuar, pasi është edhe në një lidhje dashurie.
Nuk mund të fshihej më, me një çift të ri që është formuar mes Thomas Strakoshas dhe…sigurisht, një modele joshëse. Futbollistët vazhdojnë të tërhiqen pas tyre ku në pjesën më të madhe të çifteve nga protagonistët e botës së sportit, historitë janë të ngjashme. Esther është bukuroshja që është në praninë e Strakoshës dhe pushimet janë duke i kaluar në Athinë. /Sport Ekspres/
