Thashethemeve se Shqipëria do ta fitonte ndeshjen në tavolinë 3-0 ndaj Anglisë duket se u erdhi fundi, pasi kjo sfidë do te luhet siç është planifikuar. Federata angleze ka siguruar se do të ketë një përjashtim nga qeveria shqiptare për këte ndeshje. Kujtojmë që fluturimet me Anglinë janë pezulluar që në 22 dhjetor, por ky event është i një rëndësie të madhe.
Përballja mes Shqipërisë dhe Anglisë në 28 Mars, nuk do të jetë e para për këto skuadra. Në rast se do të ketë infektime masive në ndeshjen Angli-San Marino dhe shteti jonë do të rritë masat shtrënguese , atëherë ekziston dhe mundësia për tu luajtur në një shtet tjetër. Kjo do të bëhej për të shmangur izolimin 14 ditor, që mund të shtynte afatin e ndeshjes. /Elio Hajdari-Sport Ekspres/