Aldo Teqja e ka lënë pas atë moment të vështirë që kaloi, duke mbetur jashtë fushave për një kohë të gjatë. Por portieri i Partizanit është rikthyer të mbrojë katërkëndëshin e të kuqve. Portieri ka qenë titullar në ndeshjen që Partizani B ka luajtur kundër Adës.
Takimi ka përfunduar me rezultatin 3-1 për kryeqytetasit, që mbajnë vendin e 5-të në kuotën e 22 pikëve. Ndërkohë nga minuta e parë është hedhur në fushë edhe mbrojtësi Kërçiku, që la Tiranën në janar dhe u bashkua në mënyrë të papritur me Partizanin pasi la grupin e Bylisit me të cilët u përfol se kishte arritur marrëveshje. Vëmendje tërheq edhe mungesa e Esat Malës në fushën e lojës, teksa sulmuesi është dënuar nga klubi për të luajtur me ekipin B./Sport Ekspres/