Gasperini i ka kthyer përgjigje futbollistit argjentinas, Papu Gomez. Ky i fundit akuzoi trajnerin e Atalantës se kishte tentuar ta sulmonte fizikisht pasi nuk iu bind urdhërave të tij në një ndeshje për ndryshim taktik. E menjëhershme ishte edhe përgjigja e teknikut të ekipit nga Bergamo.
Ky i fundit është shprehur se sulmi fizik u tentua nga ana e Papu Gomez, ndryshe nga historia e thënë nga vetë futbollisti. “Sulmi fizik ishte i tiji, jo i imi. Arsyeja e vërtetë që u largua nga Bergamo ishte se nuk respektoi drejtuesit e klubit. Gomez kishte sjellje të papranueshme, brenda dhe jashtë fushe si për mua dhe për shokët e ekipit”, tha Gasperini. /Sport Ekspres/