Pas fitimit të trofeut të Premier Ligës, në Angli dolën thashethemet se Jurgen Klopp kishte telefonuar ish-trajnerin e Manchester United, legjendën Alex Ferguson, në orën 3 të mëngjesit, për t’i treguar sesi e fituan kampionatin. Në kuadër të ndeshjes me Leeds, gjermani është ndaluar për të sqaruar këtë temë, duke thënë se këto janë trillime të mediave:
“Unë nuk e telefonova atë, duhet ta sqarojë këtë pjesë, thjesht i dërgova mesazh. Me gjithë respektin që kemi për njëri-tjetrin, nuk mendoj se Alex dëshiron që unë t’i flas për mënyrën sesi fituam kampionatin. Ai e respekton arritjen tonë po nuk është gjëja më e bukur për të parë në televizor”- u shpreh Klop. /Elio Hajdari-Sport Ekspres/