Uilliam Kordeiro Melo ka nisur të kapë ritmin e kërkuar nga Daja, teksa nga ndeshja në ndeshje po e fiton besimin e trajnerit kryeqytetas. Kreu i pankinës së Partizanit fillimisht nuk i ka fshehur kritikat për lojtarin brazilian, të cilin shpesh zgjidhte të mos e aktivizonte. Situata tashmë ka ndryshuar, por nuk dihet nëse kjo është arsyeja e supersticionit të Kordeiros.
Një detaj interesant e bën lojtarin e të kuqeve ndryshe nga të tjerët në stërvitje. Ky detaj lidhet me këpucët e tij të sportit, të cilat nuk mbajnë të dyja të njëjtën njyrë ashtu sikurse ndodh me futbollistët e tjerë. Nuk dihet nëse kjo është supersticion apo thjesht rastësi, megjithatë është një elemnt që tërheq vëmendjen./Halit Delibashi-Sport Ekspres/
