Superiorja pritet që të rifillojë dhe sinjalet duken pozitive për të kthyer sërish elitën e futbollit tonë. Fidel Ylli ka dhënë dritën jeshile me fjalët e shprehura për mediat, por është edhe klubi i Teutës që jep sinjal shprese.
Nëpërmjet një njoftimi në “Facebook”, klubi durrsak njofton se e diela do të jetë pushim për futbollistët. Por nga dita e hënë do të nisin përgatitjet për ndeshjen e parë të vërtetë. Jo për ndonjë miqësore siç jemi mësuar deri tani, por për përballjen në javën e parë kundër Skënderbeut. /Sport Ekspres/