Tirana po kalon një seozn ëndrrash nën drejtimin e Egbosë, ku numëron vetëm 1 humbje në 18 ndeshje të luajtura me të në pankinë. Megjithatë dyshimet dhe kritikat nuk kanë munguar as këtë herë. Akuzat për favorizime nga arbitrat dhe skepticizmi i tepruar për Egbonë, të cilit i zhvlerësojnë suksesin dhe e quajnë ende një “trajner portierësh“, kanë qenë prezente përgjatë këtij kampionati.
Ndërkohë klubi i Tiranës ka thyer heshtjen dhe reagon nëpërmjet faqes së saj zyrtare në “Facebook“. Bardheblutë kërkojnë së paku respekt për atë çfarë kanë dhuruar në fushën e lojës dhe kërkon që të ruhet etika profesionale nga trajnerë e ish-tranjerë në mënyrë që të mos abuzohet apo të krijohen situata imagjinare që prishin klimën e ekipit./Halit Delibashi-Sport Ekspres/
