Ilir Daja është përfolur së tepërmi për të marrë drejtimin e Kombëtares. Të paktën kjo është dëshira e tifozëve duke parë rezultatet e Ballkanit në Europë, por edhe të shkuarën e suksesshme të këtij trajneri.
Këto arritje në Conference League nuk kanë kaluar pa vëmendjen e Armand Dukës. Kreu i FSHF ka parë ndeshjen e djeshme nga stadiumi, ku pranë tij ka qenë edhe Safet Gjici. Ballkani luajti një finale të madhe me Sivasporin për të kaluar grupet e Conference League, por në fund u përmbys nga mungesa e eksperiencës. /Sport Ekspres/