Një ndër emrat më të mëdhenj në futbollin botëror, Milani, do të marrë pjesë në Europa League këtë sezon dhe pasi kaloi me lehtësi Krajovën dhe Shkëndijën, edhe në grupe ka qenë me fat në short. Kuqezinjtë do të ndeshen me Austrinë e Vjenës, Rijekën dhe AEK-un e Athinës, të gjithë rivalë të kalueshëm pa problemë të mëdha.
Short mjaft i ndërlikuar për Atalantën e Etrit Berishës, sepse do të përballet me Lionin dhe Evertonin, por edhe Apolloni qipriot është rival i sikletshëm në shtëpi.
Ndërkaq, Lacio e Strakoshës do të përballet me Nicën e Mario Balotelit dhe Zulten e Piter Olajinkës, ish-talentit të Skënderbeut, i cili po shkëlqen në këtë fillim-sezoni në Belgjikë.
Istanbul Bashakshehiri, ku luan Sokol Cikalleshi, është vënë përballë Hofenhajmit, Ludogorecit dhe Bragës.
