Jepini një çmim Sulejman Starovës! A është e mundur që të drejtosh një ekip pretendent për 8 ndeshje dhe të mos fitosh asnjëherë, duke barazuar 7 herë?
Ia ka dalë mbanë “Bobi”, që edhe sot me Feronikelin e tij barazoi 1-1 ndaj Vëllaznimit, në një ndeshje absurde, sepse në minutën e 93-të shënoi Feronikeli dhe në sulmin pasues barazoi Vëllaznimi.
Fitorja me sa duket është lënë për ndeshjen e fundit të sezonit, ku Feronikelit i duhet patjetër fitorja, përndryshe mund të rrezikojë të luajë në play-out, çka do ishte një dështim kolosal për ish-trajnerin e Partizanit.