Mediat ruse kanë bërë me dije se një nga stadiumet ku do të luhen disa ndeshje të kampionatit botëror “Rusi 2018” ka rënë zjarr që ka shkaktuar shumë dëme.
Bëhet fjalë për stadiumin në qytetin Nizhni Novgorod, i cili po ndërtohet për të qenë gati për verën e ardhshme.
Kompania “Stroytransgaz” që ka marrë përsipër ndërtimin e stadiumit me kapacitet 45 mijë vendesh ka dalë me një komunikatë për mediat, duke sqaruar gjithçka mbi incidentin. Gjithsesi kompania ruse ka bërë me dije se zjarri në stadium nuk do të ketë asnjë impakt në përfundimin në kohë të punimeve për ndërtimin e stadiumit në Nizhni Novgorod.