Trajneri i Erzenit, Xhevahir Kapllani ishte i ftuar në emisionin “Ora Sport” që transmetohet në “Ora News”. Mes të tjerash, tekniku u pyet se cila është skuadra që “i ka marrë frymën” me një nivel tjetër të treguar, duke marrë parasysh se është mbyllur faza e parë e kampionatit.
“Partizani dhe Tirana, të dy këto skuadra kanë tjetër ritëm dhe nivel nga ato që jemi ndeshur deri tani”, u shpreh Kapllani. Si për ironi të fatit, të dy këto skuadra që mbajnë vendet e para të Superiores, janë mundur me shifrat 0-1 ndaj Erzenit. /Sport Ekspres/