Gjykata e Tiranës vendosi që të shtyjë zgjedhjet e FSHF duke plotësuar interesat e Erion Veliajt. Ky vendim nuk pritet të ketë ndikim në proces pasi në statut thuhet se vetëm CAS mund t’i rrëzojë ato. I ftuar në Ora Sport që transmetohet në Ora News, Gjergj Stefa ka thënë:
“Në statut thuhet qartë dhe disa vite më parë për t’i ikur padrejtësisë së drejtësisë në vend, anëtarët vendosën që çështjet të kalojnë në CAS direkt. Parashikimi im është ky, FSHF i bën zgjedhjet dhe ato nuk shtyhen. Gjykata nuk i njeh dhe nëse UEFA i certifikon dhe thotë se nëse shteti ynë nuk tërhiqet do të na përjashtojë nga Europa me ekipe dhe Kombëtaren tonë, atëherë shteti do të njoh rezultatin”, tha Stefa. /Sport Ekspres/