Armando Broja ka qenë tema e diskutimit së fundmi në mediat shqiptare. Largimi i tij drejt Londrës në ndeshjen kundër Çekisë u përfol gjatë, duke aluduar edhe për një çështje mes tij dhe Silvinjos. Por në fund gjithçka rezulton një tymnajë mediatike.
Armando Broja nuk ka qenë pjesë e Chelsea-t në dy ndeshjet e fundit në Premier League. Sulmuesi shqiptar vazhdon të ndjejë shqetësim në gjurin e tij, duke mbetur jashtë listës së bluve të Londrës edhe për ndeshjen e ardhshme, atë kundër Blackburn Rovers-it, e cila luhet mbrëmjen e nesërme dhe është e vlefshme për EFL Cup. Chelsea ka njoftuar përmes faqes së vetë zyrtare se Armando Broja është ende duke marrë trajtimin e tij për irritimin që ka ndjerë në gju./Halit Delibashi-Sport Ekspres/