Ndeshja mes Ballkanit dhe Prishtinës, e planifikuar për t’u luajtur të dielën, është shtyrë për një datë të pacaktuar nga FFK-ja. Arsyeja ka qenë sfida e rëndësishne që kampionët në fuqi kanë ditën e enjte kundër Slavias. Ky vendim nuk është pritur mirë nga ana e Prishtinës, që e quan favorizim të dukshëm të Ballkanit.
Nuk mund të mungonte as reagimi ironik i Ismet Munishit. Trajneri i bardhekaltërve ka thumbuar në “Facebook” ekipin e Ilir Dajës, ku shkruan: “Ishte ndërprerë kampionati në Çeki deri sa t’i kryjë të gjitha ndeshjet europiane Slavia”./Hakit Delibashi-Sport Ekspres/