Shqipëria ka njohur trajnerin kundërshtar në kualifikueset e Europianit. Kuqezinjtë do të përballen në takimin e parë kundër Polonisë. Këta të fundit kanë zyrtarizuar edhe trajnerin e ri. Fernando Santos do të jetë timonieri i ekipit pas aventurës së fundit me Portugalinë.
“Nga sot unë jam polak, një prej jush. Do të bëj gjithçka mundem për t’i kthyer gëzimin polakëve. Do të jetoj në Varshavë, është shumë e rëndësishme për mua”, tha Santos. Të njëjtën zgjedhje e ka bërë edhe Sylvinho në Shqipëri, duke zgjedhur që të jetojë në vendin tonë. /Elio Hajdari-Sport Ekspres/