Pavarësisht se Shqipëria ndodhet në të njëjtin grup me Kroacinë, Spanjën dhe Italinë, ka shumë optimizëm në vendin tonë për kalimin e grupit. Gjithmonë kemi theksuar formën e dobët që po kalon Italia dhe Kroacia, por historia tregon të kundërtën.
Në një intervistë të fundit për Corriere della Sera, Roberto Baggio ka paralajmëruar rivalët e Italisë në Europian, mes tyre edhe Shqipërinë, se nuk duhet ta nënvlerësojnë “Axurrin”. “Italianët janë të ndërtuar kështu. Nëse na sulmojnë, nëse na vendosin në pikëpyetje, ne japim më të mirën. Kështu ndodhi në 1982 dhe 2006”, tha mes të tjerash Baggio. /Sport Ekspres/