Nga Klaudio Ndreca
“Provokacija”! Në Serbi do të nisin sërish nga zakoni i tyre, teksa Granit Xhaka dhe Xherdan Shaqiri nuk mund të përmblidhen ndryshe, veçse me një fjalë. Sa herë që mediat në këtë vend shkruajnë për dy lojtarët në fjalë, atëherë ka vetëm një arsye.
Ndërkohë Granit Xhaka ka kujtuar edhe njëherë golin e realizuar ndaj Serbisë në Botëror. Pikërisht atë predhë nga distanca, që do të mbahet mend gjatë nga tifozët shqiptarë. Menjëherë pas saj fluturoi edhe shqiponja në festim, ndërsa këtë rikujtim mesfushori i Arsenalit zgjedhë që ta publikojë me “Shqipëria o nëna ime”, për t’i dhënë më tepër natyrë patriotike. /Sport Ekspres/