Një “show” i Ronaldos në Champions League ndaj Barcelonës dhe Juventusi e përfundoi fazën e grupeve në krye të klasifikimit. Bardhezinjtë përkundër fitores 0-3 ndaj katalanasve nuk kanë kaluar një formë të mirë në kampionat, teksa ndodhen në vendin e katërt. Megjithatë për presidentin e Bajernit të Mynihut, Juventusi mbetet përsëri një makinë e frikshme. Sipast tij e vetmja skuadër që bavarezët i frikësohen janë pikërisht ekipi i Pirlos.
“I frikësohem Juventusit në Champions League. Pirlo do të ketë sukses.”- u shpreh Rumenige. Përveç Bajernit që ka treguar se ndodhet në një shkallë më lartë sesa ekipet e tjera, për shkak të organikës së skuadrës dhe lojën që zhvillon në fushë, ekipet e tjera janë pothuajse në nivelin e njëjtë dhe pritet që fazat finale të jenë mjaft të bukura./Elio Hajdari-Sport Ekspres/