Shorti i ka buzëqeshur thuajse të gjitha ekipeve shqiptare në Europë. Por këtu nuk futet Partizani, që ka peshkuar ekipin më të fortë në letër, Saburtalo. Gjeorgjianët kanë thuajse vlerën totale që i afron me 5 milionë euro, duke mos bërë shumë diferencë nga skuadra shqiptare. Ndeshjet e saj, Saburtalo i zhvillon në Mikheil Meskhi Arena. Ky është stadiumi i dytë më i madh në Gjeorgji dhe ka kapacitet prej 27.223 vendesh.
Por fatmirësisht ndaj Partizanit nuk do të përdoret. Për shkakun e rikonstruktimit të këtij stadiumi është bërë e ditur se gjeorgjianët do e presin ekipin shqiptar në “Tengiz Burjanadze Arena”, stadium ky shumë më modest dhe me kapacitetin total prej 5000 vëndesh. /Sport Ekspres/