Më në fund, Teuta mund të gëzohet, pasi ka gjetur fitoren e parë në miqësoret e zhvilluara gjatë kësaj vere, teksa deri tani kishte koleksionuar një barazim dhe dy humbje.
Skuadra e drejtuar nga Bledi Shkëmbi ka mposhtur maqedonasit Vlazrimi me rezultatin 3-1 dhe dy gola kanë ardhur nga ish-sulmuesi i Flamurtarit, Kamara, në minutën e 16 dhe 21. Në pjesën e parë ka shënuar edhe Kruja, në të 37’.
Ndeshja është luajtur në Ohër, aty ku Teuta po stërvitet prej thuajse dy javësh.