Vedat Muriqi rilindi në Spanjë. Sapo mbërriti në merkaton e janarit, sulmuesi shqiptar tregoi aftësitë e tij. Një pikë referimi në majën e sulmit, me golat dhe asistet e tij “pirati“ shkëlqeu me fanellën e Majorkës, të cilën e shpëtoi nga rëna nga kategoria.
Lojtari i përfaqësueses së Kosovës i ka bindur drejtuesit e Majorkës, që nga ana tjetër janë të gatshëm të arrijnë një marrëveshje me Igli Taren. Kushti i spanjollëve është shifra për kartonin e Muriqit. Lacio ka vendosur një opsion blerjeje për 12 milionë, ndërsa Majorka synon ta ulë me 2 milionë këtë shifër./Sport Ekspres/