Valon Ethemi la pas një nga sezonet më të mira në karrierën e tij. Sulmuesi shqiptar shënoi 12 gola dhe dha 4 asiste me fanellën e Istanbulsporit, duke dhënë një kontribut të çmuar për sigurimin e mbijetesës në Superligën turke. Ethemi ka rënë në radarët e Trabzonsporit.
Klubi turk po kërkon një emër të ri për repartin e avancuar dhe ish-lojtari i Kukësit shihet si alternativa e duhur. Ethemi ka dëshmuar vlerat e tij në Turqi, duke qenë gati për të firmosur me një ekip më të madh se Istanbulspori./Halit Delibashi-Sport Ekspres/