Interesimi për të parë nga afër ndeshjen mes Partizanit dhe Tiranës është i jashtëzakonshëm. Biletat kanë dalë në shitje dhe shumë prej tyre kanë përfunduar në duart e tifozëve. Sipas asaj që raporton “Supersport”, deri tani janë shitur 4.000 bileta.
Kjo është një shifër e kënaqshme duke ditur se derbi do të luhet të hënën dhe tifozët shqiptarë zgjedhin që gjithmonë ta sigurojnë biletën në orët e fundit të ndeshjes. Por duhet të kenë kujdes pasi sportelet e shitjeve të biletave nuk do të jenë të gatshme deri në fund pasi do të mbyllen 2 orë para nisjes së takimit. /Sport Ekspres/