Para Kupës së Botës, Benzema njoftoi në rrjetet sociale se dëmtimi do ta pengojë atë të luajë në Botëror dhe se dëshironte t’u lironte një vend lojtarëve të tjerë. Vendimi duhet të ishte marrë vetëm nga lojtari, por mediat bënë të ditur se trajneri Didier Deschamps nuk e donte atë në Katar.
Tashmë gazeta franceze L’Equipe konfirmon këtë informacion dhe shton se Benzema ka ndërprerë kontaktet me të gjithë stafin e trajnerëve.
Ditët e fundit, Benzema u rikuperua dhe madje luajti një ndeshje miqësore kundër Leganes me fanellën e Realit dhe u mendua se mund të kthehej në Katar dhe të ishte në finale.
Edhe pse mund të ketë dashur të jetë pjesë e finales së Botërorit, mediat në Francë zbuluan se në fund nuk ishte zgjedhja e tij, por Deschamps dhe stafi i trajnerëve donin që ai të ishte sa më larg skuadrës.
Sipas burimit, Benzema është dërguar në shtëpi nga Deschamps dhe mjeku i kombëtares franceze. Benzema thuhet se nuk ka dashur të zërë vend në ekip, por as nuk ka dashur të largohet. Ai u mërzit nga vendimi i stafit dhe ndërpreu çdo kontakt me trajnerin.
Nëse Didier Deschamps vazhdon të udhëheqë ekipin kombëtar pas Kupës së Botës, sulmuesi i Real Madridit mund të mos luajë më kurrë për kombëtaren. Përveç kësaj, stafi stërvitor as që e ka menduar ta çojë sulmuesin në finale, siç raportojnë mediat.
Deschamps u përpoq të shmangte rikthimin e fituesit të Topit të Artë në konferencat për shtyp dhe hezitoi të jepte një përgjigje. Ai iu shmang pyetjeve për Benzemën, duke mos dashur të thotë se është shumë i dobishëm për skuadrën. /Sport Ekspres/