Papu Gomez dhe Atalanta ndanë rrugët me njëri-tjetrin në janar, me mesfushorin që iu bashkua Sevijes. Ai sherr fizik mes tij dhe trajnerit Gasperini nuk mund të sillte tjetër rezultat dhe palët ranë dakort që bashkëpunimit ti vinte fundi.
Por një situatë e tillë duket se i ka ndodhur edhe trajnerit të Kombëtares shqiptare, Edoardo Reja. Në përfundim të ndeshjes mes Napolit dhe Atalantës mbrëmjen e djeshme, në studion e “Rai Sport“ gazetari italian, Teotino, kujton një skenë të ngjashme mes Rejës dhe presidentit De Laurentis.
“Më kujtohet gjithashtu një përballje e gjallë midis Rejas dhe De Laurentisit. E njëjta gjë që ndodhi së fundmi, të cilën e kemi parë me Papu Gomezin dhe Gasperinin“, ka thënë ndër të tjera Teotino./Halit Delibashi-Sport Ekspres/